Adi sai kumar Saira Bhanu Shooting Begins : ఆది సాయికుమార్ హీరోగా నటిస్తున్న సైరాభాను సినిమా షూటింగ్ ప్రారంభమైంది. బంధవి హీరోయిన్ గా పరిచయమవుతున్న ఈ సినిమాకు ఫణి కృష్ణ సిరికి దర్శకత్వం వహిస్తున్నారు. హాస్య మూవీస్ బ్యానర్ పై నిర్మిస్తున్న ఈ సినిమా శుక్రవారం రామానాయుడు స్టూడియోలో జరిగిన ప్రారంభోత్సవంలో హీరో కిరణ్ సబ్బవరం హీరో హీరోయిన్లపై క్లాప్ కొట్టారు.
వైవిధ్యమైన ప్రేమకథగా
కోనవెంకట్ , సాయి కుమార్ తదితరులు కల్సి దర్శకుడికి స్క్రిప్ట్ అందించారు. రెగ్యులర్ షూటింగ్ త్వరలోనే ప్రారంభం అవుతుందని నిర్మాత రాజేష్ దండ తెలిపారు. వైవిధ్యమైన ప్రేమకథగా ఈ సినిమాను తెరకెక్కిస్తున్నామని అన్నారు.హిందూ, ముస్లిం మధ్య జరిగే ఒక స్వచ్ఛమైన ప్రేమకథగా ఉంటుందని దర్శకుడు ఫణి అన్నారు. ఈ చిత్రానికి సినిమాటోగ్రాఫర్ రామ్ రెడ్డి, సంగీతం శేఖర్ చంద్ర, ఎడిటర్ చోట కె ప్రసాద్ పని చేస్తుండగా, కృష్ణకాంత్ పరుచూరి సహా నిర్మాతగా వ్యవహరిస్తున్నారు.
